«Минем депутат» онлайн-сервисы аша 6,5 меңнән артык наказ һәм тәкъдим җыелган.

Бүгенге көндә 6,5 меңнән артык наказ җыелган. Депутатлыкка кандидатлар татарстанлыларга сорауларын хәл итү юлларын аңлату өчен шәхсән шалтырата һәм үтәлешен контрольгә ала. Call-үзәктә  «Бердәм Россия» партиясенең 52 кандидаты дежур торды. Алар шалтыратып, өч меңнән артык республика кешесе белән сөйләштеләр.  Кайберләре берьюлы берничә тәкъдим дә калдыра.

26 августта партия кабул итү бүлмәсендә җиде кандидат кизү торды. Республика халкы аларга җәмәгать киңлекләрен төзекләндерү мәсьәләләре, юлларны, бакча ширкәтләренең инфраструктурасын ремонтлау буенча мөрәҗәгать итте.

«Бу пульс сизелә торган тере эш. Ә гражданнарның активлыгы турында мөрәҗәгатьләрнең саны (алты мең ярым) сөйли. Мөрәҗәгатьләрнең күбесе территорияләрне төзекләндерүгә кагыла. Кешеләр үзләренә проблемаларны хәл итү өчен депутатлыкка кандидатларның кабат шалтыратуларын югары бәяли. Алар өчен бу бик мөһим, бу үзара аңлашу булдырырга ярдәм итә. Җирле дәрәҗәдәге мәсьәләләрне хәл итү өчен без муниципалитетлар белән элемтәгә керәбез, бергәләп хәл итү юлларын табарга тырышабыз. Әгәр проблема республика яки федераль дәрәҗәдә хәл итүне таләп итсә, без инициативалар һәм тәкъдимнәр белән чыгыш ясыйбыз. 2014 елның сайлау алды кампаниясе чорында «Бердәм Россия» тарафыннан җыелган наказларның 85% ы үтәлгән. Без һәр әйткән сүзебез өчен җаваплы», - дип билгеләп үтте дежурлык вакытында «Бердәм Россия» партиясенең төбәк бүлеге башкарма комитеты җитәкчесе, депутатлыкка кандидат Андрей Кондратьев.

Татарстанлыларның сорауларына шулай ук политолог Виктор Сидоров, ТР Дәүләт Советы депутатлары Таһир Һадиев һәм Леонид Якунин, Казан дәүләт энергетика университеты ректоры Эдвард Абдуллаҗанов һәм башкалар җавап бирде.