Данил Садриев Дөнья Кубогының чираттагы этабында да үз урынын бирмәде

Россия җыелма командасының ике спортчысы – Данил Садриев һәм Михаил Назаров дөньяның иң көчле  утыз  трамплинчысы арасына керде. Алар Олимпия уеннарында катнашу өчен рейтинг очколары туплауга иреште.

Моннан алдарак Норвегиядә узган ярышлар этабында Данил Садриев 12 урынны алган иде.  Германиядә булып үткән  Дөнья  Кубогының сигезенче этабында  да ул шул ук нәтиҗәне кабатлады. Якташыбыз Россия җыелма командасының иң яшь спортчысы булу өстенә, командадашлары арасында ярышларда иң уңышлы чыгыш ясаучы да булды.

Дөнья Кубогы - 2022 нче елда Пекинда узачак Олимпия уеннарында катнашачак спортчыларны сайлап алу ярышлары булып тора. Моңа кадәр Лениногорскиның ике трамплинчысы  төрле елларда үткәрелгән  ике Олимпиадада катнашкан иде инде, өченчесенә ышанычыбыз зурдан!