Футбол буенча Дөнья чемпионатыннан кызыклы саннар

Әлеге команда беренче тапкыр 1998 елда җиңү яулаган иде.

Хорватия җыелмасы, икенче урын алып, тәүге тапкыр футбол буенча Дөнья чемпионаты финалисты булды.

Бельгия командасы да өченче урын алуга иреште.

Россия командасы беренче тапкыр чемпионатның чирекфиналына чыкты.

Чемпионат вакытында 64 уенда барлыгы 169 гол кертелгән. Бу – турнир тарихында өченче күрсәткеч. Рекорд – 1998 һәм 2014 елгы чемпионатларда. Ул уеннарда 171 гол исәпкә алынган.

Турнирның “Иң яхшы уенчы“сы дип Хорватия командасы капитаны Лука Модрич билгеләнде. Аңа “Алтын туп“ тапшырылды.

Франция уенчысы Килиан Мбаппе – чемпионатның “Иң яхшы яшь уенчы“сы дип билгеләнде.

“Иң яхшы капкачы“ исемен яулаган Бельгия командасыннан Тибо Куртуа – “Алтын перчатка“ иясе.  

ФИФА чемпионатта иң яхшы гол исеменә дәгъва кылучыларны атады. Алар арасында Россия җыелмасыннан Денис Черышев һәм Артем Дзюбоның өчәр голы керде.  

Чемпионат вакытында Казанга килгән туристларга 11,2 миллиард сумлык хезмәт күрсәтелгән.

Уртача алганда бер җанатар Татарстан башкаласында көненә 37 мең сум акча тоткан.

http://agryz-rt.ru

фото:http://footoboz.com/tax_secondary_menu/cat_camp_world/