Лениногорск гимнастлары иң осталар унлыгында
Шушы көннәрдә генә башкалабыз Казанда Олимпия чемпионы Дарья Шкурихина призына үткәрелгән турнир төгәлләнде. Ярышлар гимнастика үзәгендә узды.
“На вершине успеха”дигән исем белән үткәрелгән ачык турнирга Россиянең бик күп шәһәрләреннән спортчылар җыелган иде.
Лениногорск 1 нче спорт мәктәбендә тәрбияләнүче, әлеге мәктәпнең тренеры Ольга Сучкова шәкертләреннән торган бер төркем гимнастлар, бу бәйгедә шәһәребез данын якладылар. Чемпион призына үткәрелә торган, инде традицион төс алган турнирда, безнең нәфис гимнастларыбыз бу юлы да зур уңышларга ирештеләр, призлы урыннарга лаек булдылар.
2011 елда туган гимнастлар төркемендә беренче спорт разряды программасы буенча чыгыш ясаган Алинә Хамәтшина 2 нче урынны яулады.
Аның команда буенча иптәше Арина Фатыйхова, 2012 елгы гимнастлар арасында икенче спорт разряды программасы буенча 3 нче урынга чыкты.
Шулай ук, 2013 елда туганнар төркемендә ярышкан Аделя Ялакованы һәм 2012 елгы гимнасткалар арасында осталык буенча сынашкан Анастасия Кушилкованың чыгышын да аерым билгеләп үтәргә кирәк, әлеге спортчылар турнирда катнашучы иң оста ун гимнаст арасына керде.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев