Махсус Олимпиаданың кунаклары арасында Шварценеггер һәм Дрогба да булачак

Башкалабызда узачак Махсус олимпия уеннарына бөтен дөньядан ике меңләп VIP-кунак киләчәк. Алар арасында танылган атлет Боб Биман, сәясәтче һәм актер буларак билгеле Арнольд Шварценеггер, танылган футболчы Дидье Дрогба да булачак. Махсус Олимпиаданың Президенты Ольга Слуцкер әйтүенчә, спорт һәм  шоу-бизнесның бик күп танылган кешеләре махсус үткәрелә торган олимпия хәрәкәтен куәтләүне үзенең бурычы дип саный. Аларның күпчелеге Махсус Олимпиада кунагы булачак.

https://www.tatar-inform.ru/