Россия беренчелегенә Лениногорск көрәшчесе сайланды
Грек – рим көрәше җанатарларының игътибары бу араларда Идел буе федераль округы беренчелеге бәйгесенә юнәлдерелгән иде.
Ярышлар Казан олимпия резервы училищесының «Олимпиец» спорт комплексы базасында узды.
Әлеге бәйге 76нчы Псков гвардия десант-штурм дивизиясенең 6 нчы ротасы истәлегенә багышланган.
Турнирда 12 регионнан, 21 яшькә кадәр булган 153 спортчы катнашты. Татарстан, Башкортстан, Марий-Эл, Мордовия, Удмуртия, Ульяновск, Самара, Киров, Пермь, Оренбург, Саратов, Түбән Новгород өлкәләреннән иң яхшы көрәшчеләр, үз үлчәү категорияләрендә иң көчлеләрне ачыкладылар.
Лениногорскиның 3 нче комплекслы спорт мәктәбе укучысы Егор Илюхин бу ярышларда 3 нче урынны алды. Ул 2 нче марттан 4 нче мартта кадәр Самара шәһәрендә үтәчәк Россия беренчелегендә катнашачак. Якташыбызга уңышлар телибез.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев