Лениногорск үзәк район хастаханәсе поликлиникасы диспансеризацияне туктатты
Янәдән чирле тормыш белән яши башладык. Хәер, аның беткәне дә булмады. Ләкин соңгы арада нык артып китте.
Татарстан Сәламәтлек саклау министрлыгының агымдагы елның 2 февралендәге боерыгы буенча, республиканың башка шәһәрләрендә кебек, Лениногорскида планлы медицина ярдәме күрсәтү туктатылды, дип хәбәр итә үзәк район хастаханәсе баш табибы Рим Әмиров. Бу чара коронавирус буенча санитар-эпидемиологик вәзгыять катлаулы булу кабул ителгән.
- Олылар өчен планлы медицина ярдәме, шул исәптән кайбер кешеләр төркеме өчен профилактик тикшеренүләр һәм диспансеризация туктатыла. Бары тик социаль әһәмияткә ия авырулар исемлегенә кергән яки әйләнә-тирәдәге кешеләр өчен куркыныч тудыра торган авыртулары булган пациентлар гына искәрмә булып тора, - ди ул.
Лениногорск поликлиникасына югары температура, тамак авырту билгеләре белән мөрәҗәгать итүчеләр узган атна белән чагыштырганда 40 процентка арткан.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев