Лениногорскида– Аграр министр

Иң элек район башлыгы Рәгать Хөсәенов белән вертолетка утырып, район кырларының торышын күзәткәннәр. Аннары Ялтау авылы территориясендәге кырда хуҗалык җитәкчеләре, авыл хуҗалыгы белгечләре белән очрашты.

Аграр министр катнашучыларны авыл хуҗалыгындагы яңалыклар белән таныштырды.

Былтыр җәй айларында бер баш сыерга 680 сум исәбеннән акча түләнсә, быел хөкүмәт бераз киметкән, ул-500 сум булачак. Июнь аеннан башлап, дүрт ай буена аграр предприятиеләр һәм шәхси хуҗалыктагы сыерларга түләнәчәк ,дип белдерде Марат Әхмәтов.

Эшкәртелгән чәчүлек мәйданнары өчен дә Россия бюджетыннан өстәмә субсидия булыр дип көтелә. Шулай ук сөт өчен өстәмә акча каралырга тиеш икән.

Марат Готович техника алу буенча яңа программа төзелүен әйтте. Димәк, киләчәктә хуҗалыклар техника базасын яңартырга исәп тота ала.