Лениногорскида Балаларны яклау көненә паркта бәйрәм узды (+фотолар)

Шәһәребезнең үзешчән төркемнәре, яшь артистлары биеде, жырлады. Төркемнәр арасыннан, мәсәлән, “Мonkey Groove”, “Желание летать» һәм башкалар. Яшь артистларыбыз да чыгыш ясады. 

​​​​​

Балалар өчен төрле мастер-класслар әзерләнгән иде.

Кемдер дага (подкова) ясаса, башкалар кәгазьгә һәм агач түгәрәкләргә рәсем ясады. Кайбер балалар бик теләп битләренә аквагрим да ясатты.

Бәйрәмгә килгән 7 яшьлек Дарья Козлова, мәсәлән, дага (подкова) ясаган. Бәйрәм дә, мастер-класс аңа бик ошый. 

Даганы ничек ясавы турында сорагач, бик теләп җавап бирде: башта картоннан дага узоры кистек, аннан җеп белән урадык, акча тиеннәрне клей-момент белән ябыштырдык, кәгазь акчаларны җеп белән урап куйдык. 

Мәдәният сарае директоры урынбасары Светлана Пудянёва әйтүенчә, Мәдәният идарәсе ел да бу бәйрәмдә катнашып килә. Гомумән, бу бәйрәмдә генә түгел, ә шәһәребездә үткәрелгән барлык бәйрәм чараларында да катнашып, үзләренең якты һәм матур чыгышлары белән бизи алар. -Балаларны яклау көнендә балаларга иң яхшы теләкләремне җиткерәм. Сау-сәламәт булсыннар, кайгы-борчулар күрмәсеннәр, бәхеткә-шатлыкка, ата-ана назына төренеп яшәсеннәр иде,- дип теләде ул. 

Фото: Рамия Гарифуллина