“Заман сулышы” - федераль грант отты

Бу хакта Россия Федерациясенең Цифрлы үсеш, элемтә һәм массакүләм коммуникацияләр министрлыгы хәбәрендә билгеле булды. Министрлык басма массакүләм мәгълүмат чаралары өлкәсендә  2022 елда дәүләт ярдәме алучылар исемлеген билгеләде. Алар арасында “Заман сулышы” газеты да бар.

“Авылым минем” проекты җиңүче проектлар исемлегенә кергән. Газет битләрендә әлеге проектны гамәлгә ашырачакбыз, әлеге темага мәкаләләр яктыртылачак. Газетны укып барсагыз, бу тема буенча яктыртылган мәкаләләрне күрәсездер.

“Лениногорские вести” газеты ике проект җиңүчесе булды. «Культура и мы»  һәм  «Растим патриотов» проектлары.

Конкурс комиссиясе тарафыннан  федераль, региональ, җирле массакүләм мәгълүмат чараларыннан килгән 893 гариза каралган.  Комиссия Россиянең 54 регионыннан  600дән артык проектны сайлап алган.