Лениногорск хуҗабикәләренә солы боткасыннан печенье

250 г солы боткасы, 1 йомырка, 5 г камыр көпшәкләгеч, 120 г он, 2 аш кашыгы шикәр комы, 50 г атланмай, йөзем.

Йомыркага шикәр комы кушып, агарганчы тугларга. Йомшарган атланмай һәм ботканы салып болгатырга. Җылы суда торган йөзем өстәргә. Онга камыр көпшәкләгеч салырга. Барлык ингредиентларны бергә кушарга. Ванилин яки дарчин өстәргә мөмкин. Кулны юешләп печеньелар ясарга. Аларны пергамент җәелгән табага тезергә һәм 180 градус кызулыктагы духовкада пешерергә. Печеньены караҗимеш, өрек, яки башка кипкән җимешләр кушып та ясарга була.

Чыганак : “Ирек мәйданы”

ФОТО: http://pixabay.com