18нче балалар бакчасы нәниләре юл лабиринтында катнашты

Балалар башта карта-маршрутны алып, квестның этаплары белән танышты. “Игътибарлы машина йөртүче” биремендә балалар автомобиль “йөртү” күнекмәләрен тикшерде, юл тигез генә түгел, борылмалы иде.

Балалар юл билгеләре шигырьләрен сөйләп, җәяүле кичүе дә төзеделәр.

Аннан алдагы этапта юл билгеләрен әйтү буенча ярыш үтте.

“Транспорт” биремендә киселгән картиналарны ябыштырдылар, соңыннан сорауларга җавап бирделәр.

Балаларга сюрприз да әзерләнгән иде: “Юл куркынычсызлыгы хәрәкәте” учреждениесенең Лениногорск бүлеге начальнигы Зөлфия Рахманова юл темасына буягычлар һәм төсле карандашлар таратты.