ЯҢАЛЫКЛАР
2 – 8 мартка йолдызнамә
КУЧКАР (21.03-20.04)лар, бу атнада энергиягез ташып тору сәбәпле, гел эшлисегез генә килер. Шулай да, артыгын кыландырып җибәрмәгез, сәламәтлегегезгә зыян итүегез ихтимал. Сөйгәнегезгә шатлык бүләк итәрсез. Аның теләкләрен чынга ашырырсыз. ҮГЕЗБОЗАУ (21.04-21.05)лар, сезне эшлекле сәяхәт көтә, аңа игътибарлап әзерләнегез. Эштә килеп туган зур проблемалар артта калса да, вак-төяге шул килеш кала....
КУЧКАР (21.03-20.04)лар, бу атнада энергиягез ташып тору сәбәпле, гел эшлисегез генә килер. Шулай да, артыгын кыландырып җибәрмәгез, сәламәтлегегезгә зыян итүегез ихтимал. Сөйгәнегезгә шатлык бүләк итәрсез. Аның теләкләрен чынга ашырырсыз.
ҮГЕЗБОЗАУ (21.04-21.05)лар, сезне эшлекле сәяхәт көтә, аңа игътибарлап әзерләнегез. Эштә килеп туган зур проблемалар артта калса да, вак-төяге шул килеш кала. Мәхәббәт өлкәсендә аңлашылмаучанлык килеп чыгуы ихтимал. Алда булачак вакыйгаларны яхшыга юрасагыз, шулай булачак та.
ИГЕЗӘК (22.05-21.06)ләр, вәгъдә биргәнсез икән, аны үтәр өчен барысын да эшләгез. Башлаган эшегезне ахырына кадәр җиткерегез, уңышы да озак көттермәс. Яраткан кешегез сездән игътибар һәм кайгыртуны өмет итә. Аның теләкләрен кирегә какмагыз.
КЫСЛА (22.06-22.07)лар, бу атнада сезгә сайларга туры киләчәк. Батырчылык итәргә бер дә курыкмагыз. Сөйгәнегез белән бер-берегезгә булган хисегез "сүнде" дип уйларга ашыкмагыз әле. Менә күрерсез, бүген шулай дип уйларсыз, иртәгә киресе расланыр.
АРЫСЛАН (23.07-22.08)нар, сезне башыгызга да килмәгән сюрприз көтә. Эшегезгә яңа вазифа тәкъдим итсәләр, каршы килмәгез, гәрчә сез теләгән эш булмаса да. Очрашып йөргән егет яки кызыгыз белән аерылышырга туры килсә, кайгыга бирелмәгез, танышырга теләүчеләр булыр.
КЫЗ (23.08-22.09)лар, бер урында гына утырып тора белмисез. Төрле тәкъдимнәрдән башыгыз әйләнүе ихтимал. Хис-кичерешләрне кулда тотарга өйрәнергә кирәк. Мәхәббәт өлкәсендә уңышсызлыкка ирешкән кешеләр белән аралашмау яхшырак булыр.
ҮЛЧӘҮ (23.09-23.10)ләр, бөтен нәрсәдә дә сез килешү таба алырсыз. Берәр конфликтта катнашырга тәкъдим итсәләр, ризалашмагыз, соңыннан гаепле булып калуыгыз ихтимал. Сөйгәнегез белән ачуланышкансыз икән, кем гаепле яисә гаепсез икәнне ачыклап, дуслашуга беренче адым ясарга тырышыгыз.
ЧАЯН (24.10-22.11)нар, бу атнада белергә теләмәгән нәрсәгез өскә калкып чыгарга мөмкин. Сәламәтлегегез какшап, эшегез дә юньле-рәтле бармавы ихтимал. Мөнәсәбәтләрегезне тикшереп карар өчен бераз вакытка күрешми тору кирәк.
УКЧЫ (23.11-21.12)лар, уйламаган эш-гамәлләр эштә дә, өйдә дә ачуланышуга китерергә мөмкин. Ярдәм кулы сузарга әзер булучы кешене кире какмагыз, мондый мөмкинлек башка булмаячак. Мәхәббәт өлкәсендә бер-береңә ачык йөз күрсәтсәң генә мөнәсәбәтләр озын гомерле булыр.
КӘҖӘМӨГЕЗ (2 2. 1 2 - 18.01)ләр, эшне тизрәк бетерәм һәм күбрәк эш хакы алам, дип кыланмагыз, энергиягезне сарыф итмәгез, сәламәтлегегезгә зыян китерүегез ихтимал. Яраткан кешегезгә игътибар һәм назлы сүзләрне кызганырга кирәкмәс.
СУКОЯР (19.01-18.02)лар, әгәр дә берәр кая эш буенча сәяхәткә бару мөмкинлеге килеп туа икән, аны кулдан ычкындырырга кирәкмәс. Яңа партнерлар белән танышу да уңышлы. Сөйгәнегезгә мөнәсәбәтегезне рәсмиләштерергә тәкъдим итәрсез.
БАЛЫК (19.02-20.03)лар, тормыш вакыйгаларын тагын бер кат күз алдыннан үткәрсәгез дә, нәтиҗә ясарга ашыкмагыз. Сезнең өчен эш әллә бар, әллә юк. Шулай да, җитәкче турында ишетелгән гайбәткә кызыксыну бик тиз уяныр. Яраткан кешегезгә күз белән түгел, йөрәк белән карагыз.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев