2024 елда Россиядә уртача пенсия 20 мең сум чамасы булачак
РФ финанс министры искәрткәнчә, пенсия яшен күтәрү алга таба аның күләмен арттыру өчен кирәк.
(Казан, 26 июнь, «Татар-информ»). 2024 елда Россиядә пенсиянең уртача күләмен 20 мең сумга кадәр арттыру күздә тотыла. Бу хакта РИА Новости агентлыгы финанс министры Антон Силуановка сылтама белән хәбәр итә.
Финанс министры сүзләренчә, моның өчен пенсия яшенә бәйле үзгәрешләр таләп ителә.
Хөкүмәттә пенсиягә үзләре акча тупларга теләгән россиялеләр өчен салым чигерүләре һәм ташламалар кертү мөмкинлеге карала, дип аңлаткан Антон Силуанов.
2019 елда Россиядә пенсиянең уртача күләме 15,4 мең сумга кадәр артачак, дип белдерде РФ хезмәт һәм социаль яклау министры Максим Топилин.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев