Һава шартлары бозылу сәбәпле, Теләче районында 57 сыер үлгән

автор, 27 июнь 2018 - 08:30

1311

Түбәдән килеп төшкән тимер кисәге электр үткәргеч линиясенә зыян салган. Чыбыклар сыер абзарына төшкән.

(Казан, 27 июнь, "Татар-информ"). Һава шартлары бозылу сәбәпле, Теләче районында 57 сыер үлгән. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Кичә кичке алтылар тиәсендә 112 бердәм номерына һава шартлары бозылу аркасында сыер абзарында түбәдән тимер "листлар"ның төшүе турында хәбәр килгән. Бер "лист" электр үткәргеч линиясенә зыян салган.

Чыбыклар сыер абзарына төшкән. Ток сугудан 57 сыер үлгән.