Заман сулышы

Лениногорск шәһәре

18+
2024 - Гаилә елы
ЯҢАЛЫКЛАР

Айрат Фәррахов пенсия хезмәт хакыннан 40 проценттан да түбән булмаячак, дип белдерде

Татарстаннан Дәүләт Думасында депутат закон проектларының «пенсия» пакеты нечкәлекләре белән уртаклашты

Пенсия системасында үзгәрешләр Россия пенсионерларына дәүләттән өстәмә социаль гарантияләр бирәчәк. Пенсияләр хезмәт хакыннан 40 проценттан да түбән булмаячак. Бу турыда «Татар-информ»га Татарстаннан Дәүләт Думасында депутат, Дәүләт Думасының Бюджет һәм салымнар комитеты әгъзасы Айрат Фәррахов сөйләде.

Закон проектларының «пенсия» пакетына Халыкара хезмәт оешмасы конвенциясен ратификациясен күзаллаган федераль закон да керә.

«Аның буенча пенсия хезмәт хакыннан 40 проценттан да ким булырга тиеш түгел. Бу без хезмәт хакыннан 40 проценттан да ким булмаган пенсия алуга гарантия», — диде Фәррахов.

Парламентарий конвенция Халыкара хезмәт оешмасы тарафыннан 1952 елда ук кабул ителгән, дип искәртте. Әмма совет заманында да, Россия чорында да документ, җитди финанс чыгымнар таләп иткән гарантияләр аркасында, ратификацияләнмәгән.

«Хәзер бу конвенция ратификацияләнә, димәк – дәүләттән пенсияләр хезмәт хакы белән бергә артачак дигән өстәмә гарантияләр барлыкка килә. Бу бик мөһим, чөнки бүген хезмәт хаклары пенсиягә караганда тизрәк арта», — диде Айрат Фәррахов.

Бу хакта тулырак: https://tatar-inform.tatar/news/2018/09/07/171086/

Следите за самым важным и интересным в Telegram-каналеТатмедиа

Безнең Лениногорск яңалыклары Телеграм-каналга кушылыгыз. 


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев