Бер гаилә үз бакчасында 1,25 килограммлы бәрәңгеләр үстергән

Гыйбадрахмановларның бәрәңге үстерү буенча үзләре генә белгән технологиясе дә бар икән. Алар бәрәңгене салам каплап үстергән.

- Язын бәрәңгеләрне 30 сантиметр ара калдырып буразналарга салып чыктык. Тишелеп чыгып 10 сантиметр үскәч, үсентеләр күмелерлек итеп төбенә өйдек һәм 30 сантиметр калынлыкта салам белән капладык. Шуннан бәрәңге турында "оныттык".

Бер мәртәбә колорадо коңгызына каршы гына эшкәрттек. Тәҗрибә искиткеч нәтиҗә күрсәтте. Чүп үләне дә үсмәде. Ә гадәти ысул белән утырткан шундый ук сортлар ваграк булды, - дип сөйләгән 1,25 килограммлы бәрәңгеләр үстергән хуҗабикә Гөлнур Гыйбадрахманова "Байрак" газетасына.