Булачак солдатларга быел телефон бирелми

Бүген Татарстаннан 53 егет ил чикләрен сакларга китте. Моңа кадәр солдатка юл биштәре белән кәрәзле телефон да бирелә иде. Быелдан хәрби хезмәткә баручыларга һәм аларның әти-әниләренә "Әниеңә шалтырат" ("Позвони маме") федераль проекты кысаларында 1-3 сим-карта бирелә. Ул махсус ташламалы тарифка көйләнгән.

Шулай ук җыелу пунктларында банк карталары да биреләчәк. Ай саен шул картага гади солдатларга - 2 мең сум, ятимнәргә 3 мең сум акча күчәчәк.

Исегезгә төшерәбез, Татарстанда язгы чакырылыш кысаларында 4000 егет хәрби хезмәткә алыначак. Шуның 703е ил каршындагы бурычын үти башлаган инде.

http://tatar-inform.tatar