Чистайда янгын чыккан йорт эчендә үтерелгән 4 мәетнең берсе - бала

Чистайда Урицкий урамындагы йортта янгын сүндергәндә пычак кадап үтерелгән билгеләр белән 4 кеше мәете табылган - ир кеше, 2 хатын-кыз һәм кечкенә бала.

Россия Тикшерү комитетының ТР буенча идарәсендә ачыклык кертүләренчә, һәлак булган хатыннар баланың 1983 елгы әнисе һәм әбисе булган.

Бу факт буенча РФ Җинаять кодексының 105 нче маддәсе 2 нче өлеше "а" пункты буенча ("Ике һәм аннан күбрәк кешене үтерү") җинаять эше кузгатылган. Суд-медицина һәм янгын-техник экспертизалар билгеләнгән.

http://tat.tatar-inform.ru