Электрон портал аша табибка язылу буенча чикләү кертелә

Якын арада дәүләт һәм муниципаль хезмәтләр порталында табибка бер тапкыр гына язылырга мөмкинлек бирә торган сервис кертеләчәк. Бу хакта Татарстанның Министрлар Кабинетында брифингтаТР Премьер-министры урынбасары- мәгълүматлаштыру һәм элемтә министры Роман Шәйхетдинов әйтте.

Ул, Татарстан Сәламәтлек саклау министрлыгы белән берлектә, табибка язылганда халыкның кирәксә дә, кирәкмәсә дә язылуларын чамалап алганнарын әйтте. "Һәр табибның үз расписаниесе бар. Шуңа карап, уңайлы вакытны сайлап, кешеләр бер үк табибка берничә көнгә берьюлы языла башлады. Шул рәвешле, башкаларга язылу мөмкинлеген чиклиләр. Без министрлык белән шул тенденцияне сизеп алдык. Язылган вакытны анализлап шундый нәтиҗәгә килдек. Якын арада бер тапкыр гына язылырга мөмкинлек бирә торган сервис кертәбез", - диде министр.

Роман Шәйхетдинов портал сервисын яхшырту буенча халыктан да тәкъдимнәр кабул итүләрен әйтте.

Фото:/yandex.ru  алынды

 https://tatar-inform.tatar