Һиндстанда 68 кешенең гомерен өзгән авыру килеп чыккан

Һиндстанның Уттар-Прадеш штатында бер атна эчендә 68 кешенең гомерен өзгән билгесез авыруның сәбәпчесе денге бизгәге булырга мөмкин. Шул ук вакытта, аларның 40ы – балалар, дип белдерде штатның сәламәтлек саклау мәсьәләләре буенча баш секретаре урынбасары Амит Мохан Прасад.

Авыруны черкиләр тарата, ә коеп яуган яңгырлар аркасында төбәк мондый инфекцияләрнең таралуы өчен идеаль урынга әверелгән.

«Бу авыруның барлыкка килү сәбәбе әле өйрәнелә, шулай да симптомнары билгеле инде, ул – денге бизгәге. Без дәүләт сәламәтлек саклау органнары бу хакта хәбәр иттек», - дип аңлатты белгеч Mirror Now каналы эфирында.

Сәламәтлек саклау министрлыгы мәгълүматлары буенча, әлеге авыруны йоктыруның беренче очрагы 18 августта ачыкланган. Санитар-эпидемиологик вазгыятьне исәпкә алып, Фирозабад районында (биредә бер атна эчендә 39 кеше вафат булган, аларның күпчелеге – балалар) 6 сентябрьгә кадәр мәктәпләр ябыла.

https://tatar-inform.tatar/news/health/31-08-2021/indstanda-68-keshene-gomeren-zg-n-bilgesez-avyruny-kilep-chygu-s-b-ben-atadylar-5835663