Иске Шөгердән Рәшидә апа 95 яшен билгеләп үтте
Иске Шөгер авылында гомер итүче тыл ветераны Фархутдинова Рашидә апа апрель аенда үзенең 95 яшьлек юбилеен билгеләп үтте.
Үсмер чагы авыр сугыш елларына туры килгән Рәшидә апаның. Нык ихтыяр көчле Рәшидә апа бүген дә дөнья хәлләреннән хәбәрдәр булып, район газетасын укып, бүгенге тормышка рәхмәт әйтеп кызы Галия тәрбиясендә гомер кичерә. Озын гомер - Ходайдан бирелгән бүләк ул, ди. Беркайчан да кешенекен күпсенмәдем,тыныч кына гомер кичердем,- ди Рәшидә апа .
Юбилярны гомер бәйрәме белән Иске Шөгер авыл җирлеге башлыгы Лилия Шиһапова котлады, бүләк тапшырды.
Рәшидә апаны олы юбилее белән чын күңелдән котлыйбыз. Исәнлек-саулык телибез.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев