Лениногорскида "Күл буенда кышкы уеннар" фестивале узачак
Лениногорскилыларны югары буалар каскадында узачак гаилә фестиваленә чакыралар.
Чара 7 март көнне югары буалар каскадында узачак. 11.00 сәгатьтә башлана.
Фестиваль сәламәт яшәү рәвешенә багышланган.Чара "Яшьлек" паркында зарядкадан һәм скандинавия йөрешеннән башлана, анда һәркем туристлык мини-эстафетасында катнаша алачак. Ә алга таба үзәк күлгә узып һәм кышкы йөзү клубының су коенуын карарга мөмкин булачак.
Соңыннан трамплиннан сикерүләр була. Чарада кайнар ризык белән сыйлаячаклар.
Фестиваль кече шәһәрләр һәм тарихи җирлекләр Бөтенроссия конкурсы кысаларында үткәрелә. Проект җиңгән очракта, Лениногорск өчен әлеге территорияне төзекләндерүгә акча бүлеп биреләчәк.
6+
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев