Лениногорскида “Супер укучы”ны билгеләделәр
Узган атнада, Балалар китабы атналыгы кысаларында, шәһәрдә Балалар китапханәсендә авыл китапханәләре арасында иң яхшы укучыны – “Супер укучы”ны билгеләдек, дип хәбәр итәләр китапханәдән.
“Супер укучы” конкурсы Россиядә Театр елына, юбилейларын билгеләп үтүче язучыларга багышланды.
Конкурска 9 китапханәдән 9 катнашучы килде. Болар: Шөгер, Зәй-Каратай, Зеленая Роща, Мичурин, Куакбаш, Мордва-Кармалка, Түбән Чыршылы, Иске Иштирәк, Урмышлы китапханәләреннән иде.
Конкурс өч өлештән торды: визит карточкасы, иҗат эшен яклау, әдәби викторина.
Катнашучыларның балларын исәпләгәч, жюри урыннар билгеләде. “Супер укучы” – Куакбаш китапханәсеннән Азалия Сальманова лаек дип табылды.
Беренче урында Мордва-Кармалка китапханәсеннән Ксения Кудашова.
Икенчедә – Мичуриннан Дарья Орлова.
Өченче урынны Урмышлы китапханәсеннән Айгиз Сәйфуллин алды.
Калганнарга Рәхмәт хатлары тапшырылды. Барысына да истәлекле бүләкләр бирелде.
Фотолар: китапханәдән
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев