Лениногорскидагы бер кибеттә шикле күркә итенә тап булганнар

Итне пичәтләп, лабораториягә озаталар. Анда аның кош гриппы белән зарарланган булуы исбатланган. “Борчылылырга кирәкми, ситуация контрольдә, куркыныч янамый. Эпизоотик хәлне уңай тоту өчен ветеринарлар сакта тора”, ди Рашат Әхмәтов.
Ветеринария хезмәте берничә киңәш тә тәкъдим итә. 
Әгәр тавыклар сатып алгансыз икән, аны ун көнләп аерым тотарга, башкалардан аерып куярга. 
Шәхси гигиена таләпләрен үтәргә. 

Шәхси хуҗалыклардагы тавыкларга вакцинация һәм ревакцинация ясатудан баш тартырга кирәкми. 
Кош итен, йомырканы термик эшкәрткәннән соң гына кулланырга.

Сораулар туган очракта район ветеринария берләшмәсенә шалтырата аласыз:  8(85595) 2-70-04