Лениногорскилы “Уайт спирит” белән термик пешү алган
Лениногорскида Гагарин урамы, 8нче йортның бер фатирында 33 яшьлек лениногорскилы киемен “Уайт Спирит” белән чистартканда, термик пешү ала. Бу хакта Татарстан Гадәттән тыш хәлләр министрлыгы пресс-хезмәте хәбәр итә, дип яза Татар-информ мәгълүмат агентлыгы.
112 хезмәте телефонына Гагарин урамындагы бер фатирда сыеклыктан ут кабыну турында хәбәр килә. Коткаручылар килгәч, хәл ачыклана. 33 яшьлек ир-ат растворитель белән чалбарын чистартканда, сыеклык кабынып китә. Ир-атның аягы пешә, аны беренче һәм икенче дәрәҗәге пешү белән хастанәгә озаталар.
Гадәттән тыш хәлләр министрлыгы кисәтә: әгәр шундый тиз кабынып китә торган сыеклык киемгә эләккән очракта, аны чистартыр алдыннан салырга кирәк. Тирегә эләксә, су белән яхшы итеп юарга.
https://www.tatar-inform.ru/news/2018/07/15/619110/
pixabay.com фотосы
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев