Идәнгә пычак төшсә- ир кунак, кашык-калак төшсә- хатын-кыз кунак килә.

Ашаганда чәчсән- ашыгып кунак килә.

Ашаганда телеңне тешләсәң, яисә тончыксаң- ач кунак килә.

Идәнгә чәчсез тарак төшсә- ир кунак, чәчле тарак төшсә- хатын-кыз кунак килә.

Ишеккә итәк кысылса- кунак килә.

Чынаяк төшеп ватылса-явыз ниятле кунак килә.

Табынга утыргач, өстәлдә бер кашык артык чыкса- кунак килә.

Капка(ишек) үзеннән-үзе ачылып китсә- кунак килә.

Өеп куйган ястык-түшәк үзеннән-үзе ишелсә- кунак килә.

Әтәч бусагага (тәрәзәгә ) менеп кычкырса- кунак килә.

Төнлә әтәч вакытсыз кычкырса- төнге кунак булачак.

Чәйдә чәй сабагы басып йөзсә кунак килә.

Фото: http://vk.com/pixabay