ОСАГО БӘЯСЕ ТАГЫН АРТТЫ?

Хәзер Русиядә база тарифы 3432-4118 сум чамасы. Ул машина хуҗасы яшәгән төбәк һәм бонус-малус коэффициентына, двигатель куәтенә, йөртүченең стажына һәм яшенә бәйле. Машина йөртүче һәлакәткә юлыкмаган булса, ташлама ясала.

Үзәк банк әлеге тәртипне үзгәртергә җыенмый. Иминиятләштерү базарында көндәшлек тудыру максатыннан компанияләргә үз тарифларын кулланырга рөхсәт итәчәкләр. Күп иминият компанияләре, ОСАГО буенча иминиятләштерү чыгымлы, дип әйтә иде. Русия автоиминиятчеләр союзында хәбәр итүләренчә, яңа тариф зур стажлы, күп еллар юл-транспорт һәлакәтенә очрамаган йөртүчеләргә кулай булачак, ә менә рульгә күптән түгел утыручылар һәм һәлакәткә юлыгучыларның кесәсенә сугачак. Экспертлар, алар өчен бәя 25-50 %ка артачак, дип фаразлый.

https://vk.com/irekmaydani?w=wall-59550939_3417%2Fall&z=photo-59550939_456240517%2Falbum-59550939_00%2Frev