Рафаил Гыйльманов : "Сайлауларда тәртип бозу фактлары теркәлмәде"

Татарстанда сайлаулар тыныч кына уза. Тәүлек буе иминлек саклау эшенә күчкән хокук сакчылары тарафыннан тәртип бозу очраклары теркәлмәгән.

Бердәм мәгълүмат үзәгендә чыгыш ясаган ТР эчке эшләр министры урынбасары, полиция начальнигы Рафаил Гыйльманов әйтүенчә, хокук сакчыларының эше планлаштырылганча бара. Шәхси состав көчәйтелгән режимда эшли, сайлау участоклар кичә 18:00 сәгатьтән тәүлек дәвамында күзәтү астына алынган.

- Җәмәгать тәртибен саклау өчен Бердәм сайлау көнендә Татарстанда Эчке эшләр министрлыгыннан 3982 хезмәткәр җәлеп ителде, - диде Рафаил Гыйльманов. - Моннан тыш шәхси сак берләшмәсе хезмәткәрләре дә эшли.