Район башлыгы Ураза гаете белән котлый

Сезне чын күңелдән мөселманнарның иң зур бәйрәме - Ураза гаете белән котлыйм!
Ураза гаете - рухи чистарыну, бары тик шәфкатьле, изге эшләр башкарудан гыйбарәт булган айның тәмамлануын билгеләп үтү ул. Әлеге кыйммәтләр барлык дин кешеләренә дә яхшы таныш. Алар дуслыкка, изге эшләр башкаруга нигез булып тора, тынычлык һәм аңлашып яшәүнең мөһим булуын аңлата.

Хөрмәтле Лениногорск районының мөселман халкы! Сез кешеләргә карата яхшы мөнәсәбәтнең үрнәге булып торасыз. Шәһәр һәм район тормышында актив катнашасыз, район территориясендә яшәүче төрле милләт вәкилләре арасында дуслык традицияләрен ныгытуга зур өлеш кертәсез.

Әлеге изге бәйрәм көнендә һәр йортта шатлык, аңлашу, иминлек булсын, дип телим. Ураза бәйрәме күңелләргә тынычлык, ышаныч алып килсен. Сезгә сәламәтлек, бәхет, тынычлык һәм мул тормыш телим!

Рәгать Хөсәенов, Лениногорск муниципаль районы Башлыгы, Лениногорск шәһәре мэры.