Сергей Кириенко "Знание" җәмгыятенең күзәтү советын җитәкләде

РФ президенты администрациясе җитәкчесенең беренче урынбасары Сергей Кириенко "Знание" җәмгыятенең күзәтү советы рәисе итеп сайланды.

"Мәскәүдә "Знание" Россия җәмгыятенең III съезды узды, анда оешманың яңа җитәкчелек составы расланды һәм аның эшчәнлегенең алга таба векторлары билгеләнде. Съезд карарлары нигезендә күзәтү советы рәисе итеп РФ президенты администрациясе җитәкчесенең беренче урынбасары Сергей Кириенко сайланды", - диелә хәбәрдә.

"Знание" җәмгыяте генераль директоры итеп "Нетология-групп" холдингына нигез салучы һәм "Фоксфорд" укыту онлайн-сервисы, шулай ук "Россия лидерлары. Сәясәт" конкурсы җиңүчесе Максим Древаль сайланды.

Шулай ук Күзәтү советына мәгариф министры Сергей Кравцов, мәдәният министры Ольга Любимова, фән һәм югары белем министры Валерий Фальков, Росмолодежь башлыгы Александр Бугаев һәм Россия Фәннәр академиясе президенты Александр Сергеев керде.

Знание" җәмгыятен яңадан эшләтеп җибәрү.

26 март көнне "Россия - мөмкинлекләр иле" АНО күзәтү советы утырышында Россия президенты Владимир Путин катнашында Древаль Советлар Союзында булган уникаль агарту тәҗрибәсенә һәм традицияләренә таянган заманча һәм технологик белемнәр платформасын булдыру идеясен тәкъдим итте. Мондый эшчәнлек мисалы итеп "Знание" җәмгыяте китерелә.

Дәүләт башлыгы бу идеяне хуплады һәм 21 апрельдә Федераль Җыенга юлламасында заманча цифрлы платформада "Знание" җәмгыятен яңадан эшләтеп җибәрүнең актуальлеге турында белдерде.

Россия "Знание" җәмгыяте - иҗтимагый коммерцияле булмаган оешма, аның төп бурычы мәгърифәтчелек эшеннән гыйбарәт. Оешма 2016 елдан бирле эшли.

Чыганак: tass.ru