22 февраль көнне иртәнге сәгать 4тә Сугышлы авылында шәхси йортта янгын чыга, дип хәбәр итә янгын күзәтчелеге бүлеге. 4 сәгать 19 минутта Шөгер янгын сүндерү посты килеп җитә. Янгын тулысынча өйне камап алган була, тирә-як йортларга да янгын таралу куркынычы яный.
Янгын нәтиҗәсендә йортның 76 квадрат метр мәйданга зыян килә. Тагын да аянычлысы: ике кеше үлеменә китерә. 1954 елгы хатын-кыз һәм 1976 елгы ир-ат янгында һәлак була.
Янгынның беренчел сәбәбе – тәмәке тартканда сак эш итмәү.
Андрей Галилеев,
Янгын сүндерү инспекторы
Фото социаль челтәрдән
Нет комментариев