Көндез республикада һава температурасы +19-24 градус тәшкил итәчәк.
Иртәгә, 22 сентябрьдә, төнге һәм иртәнге сәгатьләрдә Татарстан территориясендә урыны белән томан төшәчәк. Бу хакта ТР Гидрометеорология һәм әйләнә-тирә мохитне күзәтү үзәге тараткан һава шартларының бозылуы хакындагы кисәтүдә хәбәр ителә.
Төнлә республика территориясендә явым-төшем күзәтелми, көндез көнчыгыш районнарда бераз яңгыр явачак, дип искәртә синоптиклар.
Төнлә һава температурасы +4-9 градус (көнбатыш районнарда +12 градуска кадәр) тәшкил итәчәк, көндез +19-24 градуска кадәр җылытачак.
Бу хакта тулырак: https://tatar-inform.tatar/news/2018/09/21/171988/
Нет комментариев