Татарстанда яшь ана прививка ясалмаган баласына туберкулез йоктырган

Татарстан табиблары 400гә якын кешегә А гепатитына каршы ашыгыч прививка ясаган
Узган елда Татарстанда туберкулезның 1300 яңа очрагы ачыкланган
Сәламәтлек саклау министрлыгы 2030 елга Россиядә туберкулезны җиңәргә ниятли
Татарстан халкының өчтән бере гриппка каршы прививка ясаткан
Татарстанда халыкның 33,4 проценты гриппка каршы прививка ясаткан
(Казан, 27 октябрь, «Татар-информ», Валерия Белова). Татарстанда яшь хатын-кыз прививка ясалмаган бер яшьлек баласына туберкулез йоктырган. Бу турыда Татарстан сәламәтлек саклау министрының беренче урынбасары Сергей Осипов сөйләде.

Осипов сүзләренчә, яшь ана 1,8 яшьлек баласына прививка ясатудан баш тарткан. Бала, әнисе кебек үк, шәхси медицина үзәкләрендә генә дәваланган.

«Бу ханым медицина ярдәменнән баш тарту хокукын файдаланган, әмма янәшәсендә кешеләр яшәвен уйламаган. Матур һәм тәкәббер хатын-кыз үзендә үпкә туберкулезы булыр дип уйламаган”, - диде Осипов.

Табиблар авырулар белән элемтәдә булган 69 балага һәм 34 медицина хезмәткәренә туберкулездан планнан тыш вакцина ясаган. Прививка ясау – өлкәннәрдә һәм балаларда инфекциянең үсеш алуын туктатуның бердәнбер ысулы.

Бу хакта тулырак: https://tatar-inform.tatar/news/2018/10/27/174135/