ТОСларда ишегалды лагерьларының дүртенче сменасы төгәлләнде (ФОТОЛАР)
Шәһәребездә ишегалды лагерьларының дүртенче сменасы үз эшен тәмамлады.
Смена ябылу тантанасы шәһәребезнең бер кафесында үтте. 1нче, 3нче ТОСлар лагерына йөрүче егет-кызларны шәһәр башлыгы урынбасары Гөлфирә Рафикова сәламләде.
- Җәйге ялыгыз истә калырлык, күңелле итеп үткәргәнсездер, яңа дуслар тапкансыздыр. Аралашуыгыз киләчәктә дә дәвам итәр дип ышанам, - диде ул.
1нче ТОС рәисе Ринат Минигаләмов, үз чиратында, уңыш-бәхетләр теләп, лагерьга йөрүчеләрнең барысына да грамоталар һәм истләлекле бүләкләр тапшырды.
Балалар бу көнне үзләре дә актив булды: биеде һәм җырлады. Соңыннан төшке аш ашап, өйләренә тарапышты.
Зилә Мөдәррисова тексты һәм фотолары.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев