Яшел Үзән районында урман кисүчеләр келәмгә төрелгән ир-ат мәете тапканнар

Яшел Үзән районында М7 трассасы янындагы чокырда келәмгә төрелгән үтерелгән ир-ат мәетен тапканнар. Бу турыда РФ Тикшерү комитетының Татарстан Республикасы буенча Тикшерү идарәсе җитәкчесе ярдәмчесе Андрей Шептицкий хәбәр итә.

Ир-атның җәсадларын урман кисүчеләр Олы Ачасыр авылыннан 6 чакрым ераклыкта тапканнар. Мәет ятьмәгә, полиэтилен пленкага һәм келәмгә төрелгән булган.

Якынча мәгълүматлар буенча, ир-ат узган кышта ук үлгән булган. Аның шәхесен һәм үлем сәбәпләрен ачыклау өчен мәет экспертизага җибәрелгән.

Бу фактка карата «Үтерү» маддәсе буенча җинаять эше кузгатылган. Хокук саклау органнары тикшерү алып бара.

Мәгълүмат «Татар-информ» агентлыгыннан алынды.

Фото: СУ СК РФ по РТ