Аны буада табып алганнар
14 июньдә иртә белән Башкортстанның Әлшәй районындагы Раевка авылыннан биш километр ераклыктагы буада ир-ат мәете табыла. Аның гәүдәсен хайваннар кимергән. Мәрхүм биредә яшәүче 55 яшьлек ир-ат булып чыккан. Бу турыда «Башинформ» хәбәр итте.
Әлеге мәгълүматны район башлыгы Дамир Мостафин һәм Тикшерү комитеты раслаган.
Якынча версия буенча, авыл халкы бу ир-атны көтү көтәргә яллаган. Иртәнге якта хайваннар авылга үзләре кайткан, ә көтүче күренмәгән.
«Ир-ат йөрәге авыртып үлгән, аннары аның мәетен кыргый хайваннар кимергән. Көтүче үлеме буенча тикшерү бара», — дигәннәр Тикшерү идарәсендә.
Фото: https://pixabay.com/
Нет комментариев