ЮЛ ИМИНЛЕГЕ
Кичәге авариядә ике Иске Шөгер кешесе үлгән (фотолар)
Алдан хәбәр иткәнебезчә, кичә иртәнге якта Иске Куак - Куакбаш юлында - Түбән Чыршылы авылы янындарак ике автомобиль бәрелешкән, ике кеше һәлак булган. Республиканың ЮХИДИ идарәсе мәгълүматлары буенча, фаразлардан ВАЗ-2114 автомобилен йөртүче 1983 елгы ир-ат тизлек режимын сакламыйча каршы як полосага чыккан һәм "Тайота" автомобиле белән бәрелешкән. Нәтиҗәдә, ВАЗның йөртүчесе...
Алдан хәбәр иткәнебезчә, кичә иртәнге якта Иске Куак - Куакбаш юлында - Түбән Чыршылы авылы янындарак ике автомобиль бәрелешкән, ике кеше һәлак булган.
Республиканың ЮХИДИ идарәсе мәгълүматлары буенча, фаразлардан ВАЗ-2114 автомобилен йөртүче 1983 елгы ир-ат тизлек режимын сакламыйча каршы як полосага чыккан һәм "Тайота" автомобиле белән бәрелешкән. Нәтиҗәдә, ВАЗның йөртүчесе һәм 1978 елгы пассажир ир-ат шунда ук һәлак булган, алар куркынычсызлык каешын эләктермәгән булган. Чит ил автомобилендәгеләр исәннәр, хастаханәгә озатылганнар.
Рәсми булмаган мәгълүматлар буенча, һәлак булучылар ике туган балалары (двоюрдныйлар). Арткы утыргычта утырган хатынның хәле авыр, реанимациядә, "Тайота"да ике яшьлек бала да булган, диләр.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев