Татарстанда авариядә имгәнгән биш айлык кыз хастаханәдә үлгән
Татарстанда юл һәлакәтендә имгәнгән биш айлык кызның Казан хастаханәсендә гомере өзелгән. Тагын бер баланы Республика балалар клиник хастаханәсенә китергәннәр
Казан – Малмыж трассасының 45нче чакрымында - Коркачык авылы янында «Лада» һәм «Хонда» автомобильләре бәрелешкән иде. Авария нәтиҗәсендә биш кеше имгәнгән, диелде. Биш айлык кыз һәм аның әнисен авыр хәлдә Биектау хастаханәсенә китерделәр.
"Татар-информ" ТР Сәламәтлек саклау министрлыгы мәгълүматына сылтанып язуынча, соңрак сабыйны Казанның Республика балалар клиник хастаханәсенә озатканнар. 2 июльгә каршы төндә кыз алган җәрәхәтләрдән үлгән.
Әлеге авариядә зыян күргән тагын ике кешене – 7нче шәһәр хастаханәсенә, 10 яшьлек малайны Республика балалар клиник хастаханәсенә китергәннәр.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев