Татарстанда җиңел машина "МАЗ" прицебына бәрелеп, ике кеше һәлак булган

Татарстан юлында "Шевроле" машинасы "МАЗ" прицебына бәрелгән. Авариядә җиңел машина йөртүчесе һәм пассажиры үлгән. Бу турыда "Татар-информ"га Татарстанның Эчке эшләр министрлыгы матбугат хезмәтендә хәбәр иттеләр.

"Авария кичә 19.10 сәгатьтә Әлмәт районында Кузайкино-Нурлат юлында булды", - дип аңлаттылар ведомствода.

Башлангыч мәгълүматлар буенча, Кузайкино ягына таба баручы "Шевроле"не йөртүче 53 яшьлек йөртүче тизлеген арттырган, һава шартларын исәпкә алмаган. Шуннан соң ул каршы як полосага чыккан. "Шевроле" машинасы "МАЗ" йөк машинасының прицебына бәрелгән. Йөк машинасы белән 58 яшьлек ир-ат идарә иткән.

Йөк машинасына бәрелгән "Шевроле" шунда ук юл кырыена очып төшкән. Машина йөртүче, 58 яшьлек пассажир урында ук һәлак булган. 

Бу хакта тулырак: https://tatar-inform.tatar/news/2019/02/19/181136/

фото: интернеттан алынды