Татарстанның Буа районында бүген иртән юл кырыена төшеп киткән «Опель» җиңел машинасында өч хатын-кыз үлгән. Бу турыда Татарстан буенча Эчке эшләр министрлыгы матбугат хезмәтендә хәбәр иттеләр.
«Беренчел мәгълүматлар буенча бүген иртән Иске Мәртле-Әлши юлының беренче чакрымында «Опель» белән идарә итүче 38 яшьлек хатын-кыз куркынычсыз тизлек сайламаган, идарәне югалткан һәм юл кырыена төшеп киткән», – дип ачыклык керттеләр ведомство матбугат хезмәтендә.
Бу хакта тулырак: https://tatar-inform.tatar/news/2019/04/27/185358/
Нет комментариев