БЕЗГӘ ЯЗАЛАР
Ул таулы-чишмәле Керкәледән берничә чакрым ераклыкта урнашкан Тукмак авылында дөньяга килә. Чын мәгънәсендә матурлык оясы булган Тукмакны, аның машина таптамаган, хәтфә яшел чирәмле урамнарын, шуннан кара көзгә кадәр ялан тәпи йөгергәннәрен истән чыгармый.
«Әнигә карап, аш пешерүче буласым килде»
«Бәкер» шифаханәсенең ашханә мөдире Миңнур Минаҗева илле бишенче көзен каршылый. Ул таулы-чишмәле Керкәледән берничә чакрым ераклыкта урнашкан Тукмак авылында дөньяга килә. Чын мәгънәсендә матурлык оясы булган Тукмакны, аның машина таптамаган, хәтфә яшел чирәмле урамнарын, шуннан кара көзгә кадәр ялан тәпи йөгергәннәрен истән чыгармый. - Тора-бара әти тырышлыгы белән, йорт җиткезеп,...
«Бәкер» шифаханәсенең ашханә мөдире Миңнур Минаҗева илле бишенче көзен каршылый.
Ул таулы-чишмәле Керкәледән берничә чакрым ераклыкта урнашкан Тукмак авылында дөньяга килә. Чын мәгънәсендә матурлык оясы булган Тукмакны, аның машина таптамаган, хәтфә яшел чирәмле урамнарын, шуннан кара көзгә кадәр ялан тәпи йөгергәннәрен истән чыгармый.
- Тора-бара әти тырышлыгы белән, йорт җиткезеп, Керкәлегә күчтек, - дип сөйли ул. - Без гаиләдә дүрт кыз бала үстек. Әни - Халисә, әти - Камил тырыш, уңган-булган безнең. Балачак еллары заманасына күрә авыр булса да, кызык узды, дияр идем. Күпчелек вакыт табигать белән аралашып үтте. Һәрберебезнең үз эше, вазифасы бар иде, безне мәҗбүр итмәделәр, үзебез теләп башкардык, - ди.
Миңнур ханым әнисен өй кешесе дип атый, чөнки йортка чисталык-пөхтәлек, кунакчыллык хас булган, табынга тәмле-татлы ризыклар куйган. Әтисен (мәрхүм, авыр туфрагы җиңел булсын) тормыш сөючән, күп һөнәргә кулы ятып торды, дип искә алды.
- Керкәледәге мәктәпне тәмамлаганнан соң, әни үрнәгедер инде, аш пешерүче булу теләге туды. Лениногорскида укып кайткач, «Бәкер» шифаханәсенә официант булып эшкә кердем, - ди ул.
Шулай бер концерттан соң уртача буйлы, төпле сүзле Таһир исемле егет белән таныша. Озак та үтми, аның Зөһрәсенә әйләнә - ике йөрәкне бер итеп гаилә корып җибәрәләр. 1980 елның буранлы мартында килен булып төшә.
Хәзерге вакытта Таһир белән Миңнур ханым үзләре Бәкердә корган бәрәкәтле нигездә җан тынычлыгы белән яшиләр. Өч гүзәлне - Алия, Гөлия, Гөлүсәне тәрбияләп үстереп, тормыш юлына бастырдылар. Балдан татлы биш онык әби-бабасының иң кадерле газизләре.
Гомер бәйрәмен елмаеп каршылаучы Миңнур ханыма ныклы сәламәтлек, гаилә күркәмлеге, бала-онык игелеге күрергә
язсын, гомер көзе җылысы әле байтак елларга сузылсын.
Таһир Шәмсуаров
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев