Укытучылар тәҗрибә уртаклашты

Шәһәребезнең 2 нче урта мәктәбендә табигать белеме фәннәре укытучылары катнашында семинар узды.

Монда көньяк-көнчыгыш районнардан 70ләп укытучы килде. Семинарда катнашучылар әлеге фәннәрне укытканда инновацион технологияләрне куллану хакында эш тәҗрибәләре белән уртаклашты. Моннан тыш, укучыларның иҗади күргәзмәләре, укытучыларның методик һәм экологик күргәзмәләре тәкъдим ителде. Биология укытучысы Н.Воробьева, физика укытучысы Н.Полянский, башлангыч сыйныф укытучысы А.Садыйкова тарафыннан ачык дәрес күрсәтелде. Семинарда катнашучылар бигрәк тә мәктәп музее (җитәкчесе - М.Гыйльметдинова), мәктәп радиосы (М.Симонова), пресс-үзәк эшчәнлегенә уңай бәя бирде.