Коронавирус симптомсыз да уза, моны ничек ачыкларга?
Covid-19 коронавирусы еш кына симптомсыз уза. Шулай да авыруның кайбер билгеләре үзен сиздермичә калмый. «Вакцина.ру» проектының әйдәп баручы белгече, табиб-биофизик Нелли Соседова шулар хакында сөйләде. Бу турыда Sputnik радиосы хәбәр итә.
«Кайбер кешеләр вакытлыча ис сизү тойгысын югалта һәм тәм тоймый, әмма башка симптоматика юк. Тагын бер критерий – әгәр әйләнә-тирәгездә кемдер әлеге чир белән авырган икән, үз-үзеңне тыңларга кирәк. Өченчедән, антитәнчекләргә иммунохроматографик тест ясату зарур», - диде табиб.
Антитәнчекләрнең булуы кешенең инде коронавирус белән авыруын һәм хәзерге вакытта чирне яңадан йоктыра алмавын күрсәтә, дип өстәде Соседова.
Моннан тыш, сездә авыру бармы-юкмы икәнлеген компьютер томографиясе ярдәмендә ачыкларга мөмкин. Табиб билгеләп үткәнчә, пневмония вакытында температура бөтенләй күтәрелмәскә мөмкин.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев