Татарстан травматологы: Яшүсмерләр имгәнүдә кроссовкалар сәбәпче
Табиб сүзләренә караганда, табан тотрыксыз булу сәбәпле, яшүсмерләр даими рәвештә егыла һәм сөякләрен сындыра.
Балалар кыш көне кроссовкаларда йөргәнгә күрә ешрак егыла һәм аяк сөякләрен сындыра. Бу хакта «Татар-информ» мәгълүмат агентлыгында узган матбугат конференциясендә Республика балалар клиник хастаханәсенең травматология-ортопедия бүлеге мөдире Алексей Глушков сөйләде.
«Безнең проблема – мода. Күрегез әле, яшьләребез нәрсә киеп йөри. Алар кроссовкалардан йөри. Ә бу силикон табанлы җәйге аяк киеме, тотрыксыз һәм бик тайгак. Яшүсмерләр инде берничә тапкыр тубык сөяге, умрау сөяге, кулбашлары сыну белән мөрәҗәгать итте. Барысы да кроссовкаларда йөгерә һәм таеп егыла», – дип белдерде балалар травматологы.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев